Tramp: Vajna ŭ Iranie «praktyčna skončanaja»

Prezident ZŠA Donald Tramp u intervju telekanału CBS zajaviŭ, što vajna ŭ Iranie, pavodle jaho acenki, amal zavieršanaja.

Donald Tramp. Fota: Anna Moneymaker / Getty Images

Tramp zajaviŭ, što Iran straciŭ značnuju častku svaich vajskovych mahčymaściaŭ. Sa słoŭ prezidenta ZŠA, u hetaj krainy faktyčna ŭžo niama fłotu, sistem suviazi i vajskova-pavietranych sił.

«Ja dumaju, što vajna praktyčna zakončanaja. U ich niama fłotu, niama suviazi, niama vajskova-pavietranych sił. Ich rakiety raźlacielisia na kavałki. Ich bieśpiłotniki źniščajucca paŭsiul, uklučajučy vytvorčaść bieśpiłotnikaŭ. Kali pahladzieć, u ich ničoha nie zastałosia. U vajskovym sensie ničoha nie zastałosia», — cytuje Trampa karespandent CBS News u Biełym domie.

Amierykanski lidar taksama adznačyŭ, što vajskovaja apieracyja prachodzić značna chutčej, čym jon mierkavaŭ raniej. Spačatku jon prahnazavaŭ, što jana moža zaniać čatyry—piać tydniaŭ, ale ciapier, pavodle jaho słoŭ, padziei raźvivajucca chutčej za hety hrafik.

Adrazu paśla hetych słoŭ cana nafty marki Brent rezka abvaliłasia da 89 dalaraŭ za barel. Jak piša Bloomberg, takim čynam rynak adreahavaŭ na zajavu Trampa pra «amal zakončanuju vajnu» ź Iranam.

Kamientary da artykuła