U Lelčycach dzicia nazvali Ryzidaj
U siamji Volhi i Anatola Astapovičaŭ ź Lelčyckaha rajona naradziłasia šostaje dzicia. Baćki vyrašyli dać dziaŭčyncy niezvyčajnaje imia.
Ilustracyjnaje fota
Jaho vybirali amal miesiac. Na jakim spynilisia, raskazali ŭ Hałoŭnym upraŭleńni justycyi Homielskaha abłvykankama.
U śpisie patencyjnych imionaŭ byli Anžalika, Nadzieja, Amira i Sonia. Spačatku tata chacieŭ spynicca na imieni, jakoje pačynajecca ź litary «A», kab jano spałučałasia z proźviščam i imiem pa baćku dziaŭčynki.
Ale ŭ vyniku prapanavaŭ nazvać dačku Ryzidaj. Dla siamji imia akazałasia całkam zvykłym — tak zavuć adnu z babul, rodam z Baškartastana.
Ideju nie ŭsie svajaki adabrali, ale na kančatkovaje rašeńnie paŭpłyvała značeńnie imia. U pierakładzie z arabskaj Ryzida aznačaje «caryca». Dziaŭčynka stała druhoj dačkoj u vialikaj siamji. Mama łaskava nazyvaje małuju Rozačkaj.