U Małajzii mužčyna maje ažno 42 zuby. Heta suśvietny rekord
33‑hadovy žychar Małajzii Pratap Munijandzi ŭstanaviŭ niezvyčajny suśvietny rekord: u jaho ŭ rocie 42 zuby, što na dziesiać bolš, čym u siaredniaha čałavieka, jaki zvyčajna maje 32. Hety fakt byŭ paćvierdžany i zaniesieny ŭ Knihu rekordaŭ Hinesa.
Fota: Guinness World Records
Sam mužčyna doŭhi čas nie padazravaŭ pra svaju asablivaść. Pra heta stała viadoma ŭ 2021 hodzie padčas siamiejnaj razmovy, kali jon pažartavaŭ, što ŭ jaho moža być bolš zuboŭ. Rodnyja naličyli 38, a paśla renthienaŭskaha daśledavańnia vyśvietliłasia, što jašče čatyry zuby nie prarezalisia. U pačatku 2023 hoda stamatołahi aficyjna paćvierdzili, što ŭ jaho ŭsiaho 42 zuby. Pry hetym bolšaść ź ich rastuć roŭna i nie vyklikajuć prablem.
Fota: Guinness World Records
Pratap Munijandzi pracuje inžynieram u naftahazavaj halinie i vychoŭvaje syna. Pavodle jaho słoŭ, ludzi zvyčajna nie zaŭvažajuć ničoha niezvyčajnaha, pakul jon sam nie raskaža pra svoj rekord. Kali ž jany daviedvajucca, što ŭ jaho na dziesiać zuboŭ bolš za normu, vielmi ździŭlajucca i časta spačatku nie vierać.
Fota: Guinness World Records
Lišnija zuby nie pieraškadžajuć jamu ŭ štodzionnym žyćci. Mužčyna staranna dahladaje rotavuju połaść: čyścić zuby dvojčy na dzień i karystajecca zubnoj nitkaj. Jon adznačaje, što hanarycca svaim dasiahnieńniem i nazyvaje asablivym pačućciom uśviedamleńnie, što ty źjaŭlaješsia suśvietnym rekardsmienam.
Siarod žančyn najbolšuju kolkaść zuboŭ maje žycharka Indyi Kalpana Bałan — u jaje 38 zuboŭ.
Čytajcie taksama:
Tom Kruz trapiŭ u Knihu rekordaŭ Hinesa za truk u apošnim filmie «Misija nievykanalnaja»
Kot Oskar z Techasa pabiŭ suśvietny rekord pa skačkach u daŭžyniu
Novy suśvietny rekord: 59‑hadovy niemiec pražyŭ u padvodnaj izalacyi 120 dzion
92‑hadovaja žančyna štotydzień abiedaje ŭ zamku ŭžo 37 hadoŭ