U Vierchniadźvinskim rajonie mužčyna złaviŭ u kapkany troch kunic
Žychara Vierchniadźvinskaha rajona buduć sudzić za niezakonnaje palavańnie. Pavodle infarmacyi Śledčaha kamiteta, 50‑hadovy mužčyna niezakonna ŭpalavaŭ troch kunic.
U śniežni 2025 hoda jon pastaviŭ kala vioski Novaje Siało čatyry kapkany: try na kunicu i adzin — na babra abo vydru. Pry hetym mužčyna nie mieŭ statusu palaŭničaha i nieabchodnych dazvołaŭ.
Padčas pieršaj pravierki kapkanaŭ jon znajšoŭ u ich dźviuch kunic, źniaŭ ź ich skury i zabraŭ zdabyču dadomu. Pry nastupnym abychodzie ŭ kapkanie akazałasia jašče adna kunica.
Tušku žyvioły mužčyna pakłaŭ u zaplečnik i nakiravaŭsia da raki pravieryć čaćviorty kapkan. U hety momant jaho zaŭvažyli supracoŭniki inśpiekcyi achovy žyviolnaha i raślinnaha śvietu.
Śledstva vyśvietliła, što abvinavačany palavaŭ biez dazvołu i praviaraŭ kapkany ŭnačy, što zabaroniena pry palavańni biez strelby. Na dopycie jon skazaŭ, što nie čakaŭ sustreć u lesie inšych ludziej.
Škoda, naniesienaja navakolnamu asiarodździu, aceniena bolš čym u 4400 rubloŭ. Mužčyna całkam jaje kampiensavaŭ.
Čytajcie taksama:
Machlary złavili minčanku na futra z kunicy
Maładaja ryś trapiła ŭ kapkan u Babrujskim rajonie, potym daviałosia rabić apieracyju
Kunica, jakaja hojsała pa Minsku, zahinuła
Na drevie ŭ centry Minska ŭvieś dzień siadzieła kunica — źniać nie mahli