U Biełarusi stvaryli ŭłasny elektraruchavik dla dronaŭ
Na minskim pradpryjemstvie AAT «Aleŭkurp» zaviaršyli navukova-ekśpierymientalnuju pracu pa stvareńni ekśpierymientalnaha elektraruchavika małoha pamieru dla bieśpiłotnych latalnych aparataŭ mahutnaściu 4,44 kVt, paviedamiŭ Dziaržaŭny vajskova-pramysłovy kamitet Biełarusi.
Paviedamlajecca, što raspracavany ruchavik prajšoŭ vyprabavańni i paćvierdziŭ techničnyja charaktarystyki, jakija nie sastupajuć zamiežnym anałaham. Usie detali dla jaho vyrablalisia na biełaruskich pradpryjemstvach z materyjałaŭ, dastupnych u krainie. Dla zborki i pravierki takich vyrabaŭ taksama byŭ raspracavany i adpracavany adpaviedny technałahičny praces i zroblena nieabchodnaje abstalavańnie.
Śpiecyjalisty pradpryjemstva taksama raspracavali i vyrabili dva typy makietaŭ kantroleraŭ elektraruchavikoŭ i stvaryli testavaje prahramnaje zabieśpiačeńnie dla biezdatčykavaha kiravańnia imi. Prajekt realizoŭvaŭsia pad kiraŭnictvam načalnika adździeła anałahavaj i siłavoj elektroniki Siarhieja Kavalova.
Čytajcie taksama:
Biełaruś uvajšła ŭ top-40 suśvietnych imparcioraŭ zbroi
Biełaruskaja kryłataja rakieta trapiła ŭ Dubaj pad vyhladam sumiesnaj raspracoŭki z AAE
«Arešnik» nam patrebny, a «Pasiejdon» i «Buravieśnik» — nie. Łukašenka — pra zadačy dla VPK