Na polska-biełaruskaj miažy adnavili budaŭnictva druhoha płotu z kalučaha drotu
Polšča pačała budaŭnictva druhoj aharodžy z kalučaha drotu na miažy ź Biełaruśsiu. Spačatku płanavałasia zaviaršyć hetyja raboty ŭžo da hetaj viasny, ale z-za niespryjalnaha nadvorja ich nadoŭha adkłali, paviedamlaje polskaje radyjo RMF FM.
Fota ilustracyjnaje
U najbližejšyja dni raboty pačnucca ŭ Padlašskim vajavodstvie. Novaja pieraškoda budzie ŭjaŭlać saboj płot ź sietki-rabicy, pastaŭleny na słupach vyšynioj kala čatyroch mietraŭ. Źvierchu płanujecca raźmiaścić dva rułony kalučaha drotu, jašče dva — za płotam.
Pa słovach kamandujučaha pamiežnymi siłami Padlašša Słavamira Klakotki, takaja kanstrukcyja pavinna ŭskładnić pieraadoleńnie miažy. Čym bolš času spatrebicca, kab pieraleźci praź pieraškodu, tym bolš času budzie ŭ pamiežnikaŭ, kab adreahavać.
Da padraździaleńniaŭ polskaj pamiežnaj achovy ŭžo prybyli vajskovyja inžyniery, jakija razam z aficerami abmiarkoŭvajuć płany budaŭnictva.
Pry hetym u polskaj pamiežnaj słužbie adznačyli, što z pačatku 2026 hoda mihracyjny cisk na polska-biełaruskuju miažu byŭ nievialiki. U značnaj stupieni heta było źviazana z chałodnym nadvorjem i mocnymi marazami.
Čytajcie taksama:
Pad płotam na miažy ź Biełaruśsiu znajšli mihrancki tunel
Polšča pačała budavać druhuju aharodžu na miažy ź Biełaruśsiu