Turčyn daručyŭ MZS pierakonvać Zachad u tupikovaści sankcyj
Premjer-ministr Biełarusi Alaksandr Turčyn na pasiadžeńni kalehii MZS zajaviŭ, što, niahledziačy na sankcyjny cisk z boku Jeŭropy, Biełaruś nie pavinna admaŭlacca ad jeŭrapiejskaha rynku.
Alaksandr Turčyn. Fota: pres-słužba ŭrada
Na dumku Alaksandra Turčyna, biełaruskaja pradukcyja zastajecca nadalej zapatrabavanaj na Zachadzie, a zachodni biznes nibyta niezadavoleny rašeńniami jeŭrapiejskich struktur i zacikaŭleny ŭ supracoŭnictvie ź Biełaruśsiu. Tamu jon zaklikaŭ dypłamataŭ praciahvać raźvivać kantakty i vykarystoŭvać lubyja mahčymaści dla supracoŭnictva.
Taksama Turčyn daručyŭ MZS nastojliva danosić da jeŭrapiejskich partnioraŭ pazicyju Minska pra toje, što sankcyjnaja palityka źjaŭlajecca tupikovaj, vykarystoŭvajučy alternatyŭnyja palityčnyja idei, jakija źjaŭlajucca ŭ Jeŭrasajuzie.
Pavodle danych Jeŭrastata, handal pamiž Biełaruśsiu i ES istotna skaraciŭsia paśla ŭviadzieńnia sankcyj za padtrymku Rasii ŭ vajnie suprać Ukrainy. Zakupki Biełarusi ŭ ES z 2021 hoda źmienšylisia ŭdvaja, a ekspart biełaruskich tavaraŭ u krainy ES — bolš čym u 3,5 razy.
Čytajcie taksama:
Na «Biełšynu» znoŭ nakłali sankcyi, jakija źniali dva hady tamu
«Časam chočacca napicca, kab hałava kruciłasia». Turčyn prynios Łukašenku na naradu blašanku śniusu