Samaj darahoj kvateraj Minščyny ŭ lutym stała kvatera ŭ panelcy
Nasamreč Novaja Baravaja heta pryharad, bo źjaŭlajecca vioskaj Kopišča.
Na starcie budaŭnictva žyllo ŭ vioscy Kopišča było niedarahoj alternatyvaj stalicy, ale za minuły čas hety minski pryharad staŭ adnym z samych modnych i zapatrabavanych mikrarajonaŭ. Tamu i kvatery tut usio čaściej traplajuć u katehoryju samych darahich, piša Realt.by.
Samaja darahaja kvatera znachodzicca ŭ vaśmipaviarchovym domie na vulicy Avijacyjnaj, 10. Žyły budynak uźviali ŭ 2018 hodzie.
Trochpakajovaja kvatera maje płošču 77 kvadratnych mietraŭ. Košt žylla ŭ panelnym domie skłaŭ 190 tysiač dalaraŭ. Heta značyć, kvadratny mietr acanili ŭ 2461 dalar.
Što da ŭłasna Minska, to ŭ lutym samuju darahuju kvateru ŭ im pradali ŭ kvartale Depo kala Płoščy Pieramohi. Kvateru ŭ domie Brill pa adrasie Kisialova,6 pradali za 470 tysiač dalaraŭ.