Ajcišnik z Hrodna vystaviŭ u reziume na sajcie vakansij recept pielmieniaŭ. I prajšoŭ sumoŭje
Hrodzienski IT-mieniedžar vyrašyŭ pravieryć, jak pracujuć ŠI-ałharytmy sistem padboru supracoŭnikaŭ na sajtach pa pošuku pracy.
Pra ekśpierymient jon raskazaŭ u Threads, piša Blizko.by.
Małady čałaviek napisaŭ u reziume recept varki pielmieniaŭ Bresckaha miasakambinata i aptymizavaŭ jaho pad ałharytmičnyja filtry, kab pravieryć, jak na jaho adreahujuć filtry servisu.
Sistema nie zaŭvažyła padvochu ŭ reziume i vydała jaho ŭ pošuku cełych 825 razoŭ.
Ekśpierymient zajšoŭ jašče dalej — jon navat atrymaŭ vodhuk ad pracadaŭcy.
Kreatyŭnamu ajcišniku prapanavali pasadu frontend-raspracoŭščyka. Paśla hetaha mužčyna źviazaŭsia sa śpiecyjalistam, i tolki padčas razmovy toj ubačyŭ, što napisana zamiest reziume «padychodziačaha kandydata».
Darečy, ofier hieroju ŭsio ž prapanavali, ale jon ad jaho admoviŭsia, bo nie mieŭ adpaviednych navykaŭ.