U Maskvie mohuć ustalavać taksafony, kab dać rady adklučeńniu internetu
Žychary Padmaskoŭja žyvuć u takich umovach daŭno.
«Daŭno naśpieła tema adradžeńnia taksafonaŭ, ale ŭžo z vychadam u internet. Heta dazvolić hramadzianam zastavacca na suviazi navat u pieryjad adklučeńniaŭ i zabiaśpiečyć naležny ŭzrovień biaśpieki»,— skazaŭ člen kamiteta Dziarždumy pa pramysłovaści i handli Ihar Antropienka.
Jon adznačyŭ, što žychary pamiežnych rehijonaŭ daŭno žyvuć u takich umovach. U Maskvie, dzie prablemy ź internetam nazirajucca apošni tydzień, hetyja abmiežavańni ŭsprymajucca «składaniej».
Z 5 sakavika ŭ centry rasijskaj stalicy nazirajucca pieraboi sa suviaźziu. Apieratary patłumačyli zboi «źniešnimi abmiežavańniami». Jak pisaŭ «Kommiersant», maskoŭski biznes straciŭ ad 3 da 5 młrd rasijskich rubloŭ (37—62 młn dalaraŭ).
U pryvatnaści, mocna ciarpiać kurjerskija słužby dastaŭki i punkty vydačy zakazaŭ.