Łukašenka pra vyzvaleńnie palitviaźniaŭ: Chočuć zastacca ŭ Biełarusi — kali łaska
Amierykancy prosiać, kab vyzvalenych nie aryštoŭvali znoŭ. Ale Łukašenka pałochaje, što kali jany «parušać» zakon, to ich znoŭ pasadziać.
Alaksandr Łukašenka. Fota: Alexander Kazakov, Sputnik, Kremlin Pool Photo via AP
«Zakon dla ŭsich adzin. Parušyŭ zakon — idzi. Voś takaja ščyraja razmova. Chočuć zastacca [ŭ Biełarusi] — kali łaska. Ale ŭ miežach najaŭnaha pravavoha pola», — zajaviŭ jon.
Zrešty, jašče niadaŭna jon davodziŭ, što i vyzvaleńni biez departacyi niemahčymyja.
Padčas tak zvanaha Usiebiełaruskaha narodnaha schodu ( 18‑19 śniežnia 2025 hoda) Łukašenka zhadvaŭ, što Džon Kouł pieradavaŭ jamu list ad Trampa, dzie prasiłasia dazvolić vyzvalenym pry dapamozie amierykancaŭ palitźniavolenym zastacca ŭ Biełarusi. «Ja kažu: nie-nie-nie, rabiaty. Tudy zabirajcie i tam ź imi raźbirajciesia», — zajaŭlaŭ Łukašenka.
Čytajcie taksama:
Łukašenka pachvaliŭ Trampa i paraiŭ adpuścić Madura
Łukašenka zajaviŭ, što ŭkrainski bieśpiłotnik upaŭ u raku i paraniŭ žančynu
Łukašenka: Abmiarkoŭvajem z ZŠA vyzvaleńnie palitviaźniaŭ
Łukašenka pra Iran: My nie ŭviazvajemsia, my nie chočam svajoj krainie prablemy