U Minsku sioleta pabudujuć 12‑kiłamietrovuju vieładarožku
U Minsku sioleta płanujuć pabudavać novuju rovarnuju ściežku, jakaja złučyć čatyry rajony horada. Pra heta paviedamiŭ načalnik upraŭleńnia haradskoj haspadarki i enierhietyki Minharvykankama Alaksandr Rakaŭščyk.
Zdymak ilustracyjny. Fota z sacyjalnych sietak
Ściežka projdzie ŭzdoŭž Ślapianskaj vadasistemy, jaje daŭžynia składzie 12 km. Jana budzie prachodzić pa Leninskim, Zavodskim, Partyzanskim i Pieršamajskim rajonach stalicy.
U raniej apublikavanym prajekcie Hienpłana Minska da 2030 hoda išłosia pra stvareńnie bieśpierapynnaj sietki piešachodnych i rovarnych ściežak na ŭsich vulicach, płoščach, bulvarach, parkach i skvierach. Płanujecca jak budaŭnictva asobnych rovarnych ściežak, tak i abaznačeńnie rovarnych pałos na darohach.
Staršynia Miharvykankama Uładzimir Kucharaŭ paviedamiŭ, što ŭ najbližejšyja hady ŭ Minsku pavinna źjavicca 80 km rovarnych ściežak.
Čytajcie taksama:
U Minsku źniasuć pryvatny siektar kala Śvisłačy ŭ Sierabrancy. Što budzie zamiest?
Ciapier buduć adklučać prakat samakataŭ padčas drennaha nadvorja
Najhoršaje miesca dla zachoŭvańnie rovaraŭ u Minsku FOTAFAKT