Tehieran: Terytoryja Ukrainy stała zakonnaj cellu dla Irana
Terytoryja Ukrainy stała zakonnaj cellu dla Irana praz dapamohu Izrailu ŭ apieracyi suprać Tehierana, zajaviŭ staršynia kamisii pa nacyjanalnaj biaśpiecy iranskaha parłamienta Ibrahim Azizi na svajoj staroncy ŭ X.
«Šachied-136» na vulicy Kijeva ŭ červieni 2025 hoda. Fota: Aleksandr Gusev/SOPA Images/LightRocket via Getty Images
«Akazvajučy padtrymku izrailskamu režymu z dapamohaj bieśpiłotnikaŭ, Ukraina, jakaja paciarpieła krach, faktyčna apynułasia ŭciahnutaj u vajnu i, zhodna z artykułam 51 Statuta Arhanizacyi Abjadnanych Nacyj, pieratvaryła ŭsiu svaju terytoryju ŭ zakonnuju metu dla Irana».
Ukraina nakiravała drony-pierachopniki i ekśpiertaŭ pa bieśpiłotnikach dla abarony baz ZŠA ŭ Iardanii, paviedamiŭ ukrainski prezident Uładzimir Zialenski haziecie The New York Times 9 sakavika.
5 sakavika Vašynhton źviarnuŭsia da Kijeva z prośbaj dapamahčy supraćstajać iranskim bieśpiłotnikam «Šachied-136» na Blizkim Uschodzie. Pavodle jaho słoŭ, jon daručyŭ «vydać nieabchodnyja srodki».