U Dobrušskim rajonie ŭpaŭ čarhovy bieśpiłotnik. Ludzi čuli vybuchi
Siońnia paśla abiedu kala pasiołka Rasśviet Dobrušskaha rajona ŭpaŭ nieviadomy bieśpiłotnik, paviedamlaje vydańnie «Fłahštok».
Fota ilustracyjnaje
Na miesca zdareńnia prybyła milicyja i pierakryła ruch pa trasie Homiel — Navazybkaŭ da pryjezdu hrupy raźminiravańnia. Da vyvazu drona na trasie ŭtvaryłasia doŭhaja čarha z aŭtamabilaŭ, była spynienaja praca AZS «Biełarusnafta», dzie taksama sabrałasia čarha.
Paśla bieśpiłotnik byŭ vyviezieny, a ruch adnoŭleny.
Kala 15:30 i 16:00 žychary Dobruša pačuli jak byccam asobnyja vybuchi. Vierahodna, sapiory padarvali dron niedaloka ad horada.
Na hety momant typ bieśpiłotnika i jaho prynaležnaść zastajucca nieviadomymi.
Padčas rasijska-ŭkrainskaj vajny na terytoryi Biełarusi, asabliva na Homielščynie, niaredka akazvajucca rasijskija bieśpiłotniki, jakija nakiroŭvajucca dla ataki abjektaŭ va Ukrainie. Niekatoryja ź ich padajuć na biełaruskaj terytoryi. Pra padzieńnie adnaho z dronaŭ, jaki nibyta ŭpaŭ na terytoryi Biełarusi ŭ raku i paraniŭ žančynu, 13 sakavika zajaviŭ Alaksandr Łukašenka. Jon śćviardžaje, što hety dron byŭ ukrainski.
Čytajcie taksama:
Łukašenka zajaviŭ, što ŭkrainski bieśpiłotnik upaŭ u raku i paraniŭ žančynu
Niekalki rasijskich dronaŭ zalatali na Homielščynu 26—27 studzienia — adzin upaŭ u Dobrušy
Dva rasijskija drony ŭpali ŭ Brahinskim rajonie, adzin vybuchnuŭ
U Žłobinskim rajonie dvuchmietrovy dron zvaliŭsia za 30 mietraŭ ad škoły