Niekalki rasijskich dronaŭ zalatali na Homielščynu 26—27 studzienia — adzin upaŭ u Dobrušy
26 studzienia ŭ miežach Dobruša ŭpaŭ, biez detanacyi, mierkavana ŭdarny BPŁA typu «Šachied», paviedamlaje «Fłahštok».
Manitorynhavyja kanały ŭ toj dzień nie fiksavali zalotaŭ. Pavodle źviestak krynicy, miascovym žycharam zabaranili zdymać upaŭšy dron, i nieŭzabavie jaho vyvieźli. Čas i miesca padzieńnia ŭdakładniajucca.
27 studzienia, pavodle ŭkrainskich manitorynhavych kanałaŭ, pry čarhovaj pavietranaj atacy RF pa terytoryi Ukrainy pavietranaja prastora Biełarusi była parušanaja niekalkimi BPŁA.
A 04:42 kanał «Rynda manitoryć» paviedamiŭ, što adzin dron vylecieŭ kursam na Mazyr. A 05:16 — jašče adzin ruchajecca kursam na Chojniki. Apošni vypadak paćvierdziŭ i kanał «jeRadar».
Niama dokazaŭ taho, što hetyja BPŁA pierasiekli miažu, ale jość zafiksavanyja vypadki vyletu z Homielščyny inšych dronaŭ. A 03:59 toj ža kanał infarmavaŭ pra ruch pa terytoryi Biełarusi ŭzdoŭž miažy adnaho bieśpiłotnika ŭ bok Žytomirščyny.
A 04:02 «Rynda manitoryć» paviedamiŭ, što ź Biełarusi adzin dron vylecieŭ na Krasiacičy, a 05:31 jašče adzin — nakiravaŭsia na Prypiać.
Z ulikam času zalotaŭ i vyletaŭ Fłahštok robić vysnovu, što ranicaj 27 studzienia praz Homielščynu prajšło minimum 3 rasijskija BPŁA. Ci ŭsie bieśpiłotniki pakinuli terytoryju krainy, a kali nie, to što ź imi stała — pakul nieviadoma.
Ciapier čytajuć
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ28
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary