Premjer-ministr Bielhii vykazaŭsia za ździełku z Pucinym
Premjer-ministr Bielhii Bart de Vievier zajaviŭ, što Jeŭrapiejski sajuz ciapier nie maje dastatkovych mahčymaściaŭ, kab prymusić Rasiju adstupić ni vajennym, ni ekanamičnym šlacham. Tamu, na jaho dumku, ES varta pačać pramyja pieramovy z Kramlom, zajaviŭ palityk u intervju vydańniu L'Echo.
Bart de Vievier. Fota: AP Photo / Martin Meissner
Pavodle słoŭ palityka, Jeŭropa nie moža efiektyŭna pahražać Uładzimiru Pucinu praz pastaŭki zbroi Ukrainie, a taksama nie zdolnaja ekanamična mocna nacisnuć na Rasiju biez padtrymki Złučanych Štataŭ. Tamu, jak jon ličyć, zastajecca tolki adzin šlach — šukać kampramis i zaklučać damoŭlenaść.
«Pakolki my nie možam pahražać Pucinu, adpraŭlajučy zbroju Ukrainie, i nie možam ekanamična zadušyć jaho biez padtrymki ZŠA, zastajecca tolki adzin mietad: zaklučyć ździełku», — skazaŭ jon.
De Vievier taksama papiaredziŭ, što kali Jeŭrasajuz nie atrymaje ŭłasnaha mandata na pieramovy, to ZŠA mohuć naviazać Jeŭropie pahadnieńnie, jakoje budzie dla jaje niavyhadnym.
Na jaho dumku, ZŠA «zusim nie na baku Ukrainy».
«Časam mnie zdajecca, što jany bližej da Pucina, čym da Zialenskaha», — ličyć jon.
Raniej bielhijski premjer užo vystupaŭ suprać žorstkich mier u dačynieńni da Maskvy i błakavaŭ inicyjatyvy, źviazanyja z vykarystańniem zamarožanych rasijskich aktyvaŭ dla padtrymki Ukrainy.
Čytajcie taksama:
Čamu ŭłady ES nie stali kanfiskoŭvać zamarožanyja rasijskija aktyvy?
Bielhija zabłakavała nadańnie Ukrainie €140 miljardaŭ reparacyjnaha kredytu za košt aktyvaŭ RF
Urad Bielhii ŭznačalić prychilnik bolšaj samastojnaści Fłandryi