26‑hadovuju internet-markietołaha asudzili za palityku
Alaksandra Janickaja šmat hadoŭ pracavała ŭ śfiery internet-markietynhu i vyvučała dziełavuju anhlijskuju movu ŭ BNTU. Niadaŭna jaje asudzili ŭ Minsku za «sadziejničańnie ekstremisckaj dziejnaści».
Alaksandra Janickaja. Fota: Ukantakcie
Alaksandry Janickaj ź Minska 26 hadoŭ. Jana skončyła minskuju škołu №25, paśla pastupiła na fakultet markietynhu, mieniedžmentu i pradprymalnictva Biełaruskaha nacyjanalnaha techničnaha ŭniviersiteta (vypuściłasia adtul u 2020-m). Studentkaj, u 2019‑m, dziaŭčyna atrymała dypłom druhoj stupieni na ŭniviersiteckim konkursie impravizacyi pa dziełavoj anhlijskaj movie.
Z maja 2020 hoda Alaksandra ŭładkavałasia pracavać internet-markietołaham u adnu ź minskich pryvatnych kampanij. U volny čas dziaŭčyna zachaplałasia viazańniem kručkom i hadavała kotku.
Alaksandru Janickuju asudzili ŭ Minskim haradskim sudzie pavodle častak 1 i 2 artykuła 361‑4 Kryminalnaha kodeksa Biełarusi (sadziejničańnie ekstremisckaj dziejnaści).
Joj prysudzili chatniuju chimiju.
Dakładny termin źniavoleńnia i inšyja detali kryminalnaj spravy pakul nieviadomyja. Pieraśled, najchutčej, źviazany sa spravaj Hajuna.
Čytajcie taksama:
46‑hadovaha kaśmietołaha z Kałodziščaŭ asudzili pa dźviuch palityčnych kryminałkach
29‑hadovuju madel i psichołaha z Homiela asudzili za palityku. Mierkavana, za Hajuna