Opierny teatr apublikavaŭ fota dyrektarki, ale pierastaraŭsia z fotašopam
Kaciarynu Dułavu na zdymku rašyli amaładzić.
13 sakavika ŭ Vialikim teatry Biełarusi prajšoŭ kancert pijanista-virtuoza Dzianisa Macujeva. Raskazvajučy pra jaho, u sacsietkach teatra napisali: «Na pres-padychodzie hienieralny dyrektar Vialikaha teatra Biełarusi Kaciaryna Dułava adznačyła niezvyčajnaść prahramy, jakaja padkreśliła takija roznyja hrani talentu Dzianisa Macujeva».
I dadali fota Dułavaj pierad mikrafonami telekanałaŭ. Ale bačna, što nad zdymkam papracavaŭ ci to fotašop, ci to štučny intelekt. 63‑hadovaja dyrektarka Vialikaha teatra ciapier vyhladaje elehantna, ale ŭsio ž nie tak juna, jak na fota.
Fota Dułavaj, jakoje apublikavali sacsietki teatra
Kaciaryna Dułava ŭ efiry BT, 2025 hod
Kaciaryna Dułava — doktar mastactvaznaŭstva, prafiesar. Jana ŭznačalvaje Vialiki teatr z 2022 hoda.