Na Kubie adbyŭsia poŭny błekaŭt, 11 miljonaŭ bieź śviatła

16 sakavika na Kubie adbyłosia poŭnaje adklučeńnie elektraenierhii, paviedamili miascovyja ŭłady.

Rabočyja pryspuskajuć kubinski ściah kala pasolstva ZŠA ŭ Havanie ŭ pamiać pra kubincaŭ, jakija zahinuli padčas apieracyi ZŠA ŭ Vieniesuele. 5 studzienia 2026 hoda. Fota: AP Photo / Ramon Espinosa

Dziaržaŭnaja enierhietyčnaja kampanija paviedamiła, što pačała praces adnaŭleńnia elektrazabieśpiačeńnia. Pa jaje infarmacyi, na momant adklučeńnia nie było paviedamleńniaŭ pra zboi ŭ pracy ciepłavych elektrastancyj, jakija znachodzilisia ŭ ekspłuatacyi. Ministerstva enierhietyki i hornazdabyŭnaj pramysłovaści pačało rasśledavańnie pryčyn zdareńnia.

Błekaŭt adbyŭsia na fonie pahłybleńnia enierhietyčnaha i ekanamičnaha kryzisu ŭ krainie. Prezident Kuby Mihiel Dyjas-Kaniel raniej zajaŭlaŭ, što kraina ŭžo bolš za try miesiacy nie atrymlivaje pastavak nafty i vymušanaja vykarystoŭvać soniečnuju enierhiju, pryrodny haz i ciepłaelektrastancyi.

Bolš za tydzień tamu na zachadzie Kuby ŭžo adbyvałasia maštabnaje adklučeńnie elektryčnaści, u vyniku jakoha bieź śviatła zastalisia miljony ludziej.

Raniej Kuba atrymlivała naftu ź Vieniesueły, ale pastaŭki spynilisia paśla taho, jak u pačatku studzienia ŭłady ZŠA zachapili vieniesuelskaha lidara Nikałasa Madura.

Nasielnictva Kuby składaje kala 11 miljonaŭ čałaviek.

Kamientary da artykuła