Aleś Bialacki sustreŭsia z prezidentam Čechii
16 sakavika ŭ Prazie prezident Čechii Pietr Pavieł u svajoj rezidencyi sustreŭsia ź biełaruskim pravaabaroncam, byłym palitviaźniem i łaŭreatam Nobieleŭskaj premii miru Alesiem Bialackim. Pra heta paviedamiŭ Ofis demakratyčnych sił Biełarusi ŭ Čechii.
Fota: x.com/OfficeBLRinCZE
Padčas sustrečy Bialacki padkreśliŭ važnaść zachavańnia sankcyj suprać režymu Łukašenki, a taksama nieabchodnaść dalejšaj padtrymki demakratyčnych sił Biełarusi, hramadzianskaj supolnaści i palityčnych źniavolenych. U jakaści prykładu takoj padtrymki jon zhadaŭ prahramu Medevac.
Fota: x.com/OfficeBLRinCZE
Akramia taho, pravaabaronca adznačyŭ, što Biełaruś nie varta atajasamlivać z Rasijaj, bo bolšaść biełarusaŭ nie padtrymlivaje vajnu suprać Ukrainy.
Jon taksama nahadaŭ, što miljony ludziej, jakija vychodzili na pratesty ŭ 2020 hodzie, pa-raniejšamu vierać u demakratyčnuju i jeŭrapiejskuju budučyniu svajoj krainy.
Čytajcie taksama:
«Nie Dzień Voli, a tydzień». Sieviaryniec raskazaŭ pra padrychtoŭku śviatkavańnia 25 Sakavika
Bialacki viarnuŭsia ŭ fejsbuk: «Nivodnaha dnia ŭ turmie ja nie škadavaŭ za zroblenaje»
Bialacki: Efiektyŭny cisk na Łukašenku — ekanamičnyja, palityčnyja sankcyi i niepryznańnie vybaraŭ