Na Homielščynie DAI sa stralboj spyniała pjanaha biaspraŭnika
Kala vioski Karotkavičy Žłobinskaha rajona načnaja pahonia skončyłasia strełami. Kiroŭca praihnaravaŭ patrabavańnie DAI spynicca i sprabavaŭ uciačy.
Milicyjanty pryniali rašeńnie stralać pa kołach, kab prymusova spynić aŭto.
Paśla taho jak aŭtamabil zatarmaziŭ, kiroŭca i jaho pasažyr vyskačyli z mašyny i pasprabavali źbiehčy, ale byli zatrymanyja.
Za rulom akazaŭsia 32‑hadovy žychar Kalinkavičaŭ, jakoha raniej užo pazbaŭlali pravoŭ, u tym liku za niećviarozaje kiravańnie. Hetym razam mužčyna znoŭ byŭ z prykmietami apjanieńnia, adnak ad aficyjnaha miedycynskaha ahladu admoviŭsia.
Składziena siem administracyjnych materyjałaŭ, vyrašajecca pytańnie ab kryminalnaj spravie za paŭtornaje na praciahu hoda niećviarozaje kiravańnie i kanfiskacyi transpartnaha srodku. Kiroŭca i jaho 25‑hadovy pasažyr źmieščanyja ŭ IČU. Mašynu pastavili na achoŭnuju stajanku.