Dziaržsakratar ZŠA abvierhnuŭ infarmacyju, što Vašynhton choča źvierhnuć prezidenta Kuby
Marka Rubia nazvaŭ fejkam infarmacyju The New York Times pra namiery ZŠA źvierhnuć kubinskaha prezidenta Mihiela Dyjas-Kaniela. Pra heta jon napisaŭ u X.
Mihiel Dyjas-Kaniel. Fota: Emilio Flores/Anadolu via Getty Images
«Pryčyna, pa jakoj tak šmat amierykanskich ŚMI praciahvajuć publikavać takija fejkavyja historyi, zaklučajecca ŭ tym, što jany pa-raniejšamu spadziajucca na šarałatanaŭ i chłusaŭ, jakija vydajuć siabie za infarmavanych krynic», — zajaviŭ dziaržsakratar.
Pavodle źviestak NYT, amierykanski bok daŭ zrazumieć Havanie: prezident pavinien syści, dalejšyja adstaŭki Vašynhton nie cikavić.
Jak tłumačać surazmoŭcy vydańnia, ZŠA bačać u Dyjas-Kanielu prychilnika žorstkaj linii i praciŭnika nieabchodnych strukturnych reformaŭ ekanomiki.
Čytajcie taksama:
ZŠA patrabujuć adstaŭki prezidenta Kuby
Prezident Kuby paabiacaŭ mocny supraciŭ u vypadku ŭvarvańnia ZŠA