U chodzie pieramoŭ amierykanski bok daŭ zrazumieć Kubie, što prezident krainy pavinien syści, ale dalejšyja kroki amierykancy pakidajuć na mierkavańnie kubincaŭ.
Administracyja Donalda Trampa damahajecca adchileńnia ad ułady prezidenta Kuby Mihiela Dyjasa-Kaniela, paviedamiła The New York Times sa spasyłkaj na čatyry krynicy.
U chodzie pieramoŭ amierykanski bok daŭ zrazumieć Kubie, što prezident krainy pavinien syści, ale dalejšyja kroki amierykancy pakidajuć na mierkavańnie kubincaŭ. Na dumku čynoŭnikaŭ z administracyi Trampa, skidańnie Dyjasa-Kaniela dazvolić ažyćciavić na Kubie strukturnyja ekanamičnyja reformy, jakija naŭrad ci padtrymaje ciapierašni prezident.
Adzin z surazmoŭcaŭ NYT raspavioŭ, što Vašynhton taksama choča, kab Kuba pahadziłasia adchilić ad ułady niekatorych padžyłych čynoŭnikaŭ, jakija pa-raniejšamu addanyja idejam Fidela Kastra.
Sa słoŭ krynicy haziety, skidańnie prezidenta Kuby stała b dla Donalda Trampa «simvaličnaj pieramohaj, jakaja dazvoliła b jamu zajavić, što jon zrynuŭ lidara levaha ŭrada, jaki doŭhi čas vystupaje suprać ZŠA — jak heta było zroblena ŭ Vieniesuele».
65‑hadovy Mihiel Dyjas-Kaniel kiruje Kubaj jak prezident z kastryčnika 2019 hoda, jon taksama staršynia Kampartyi Kuby. Jon źmianiŭ na hetaj pasadzie Raula Kastra ŭ 2021 hodzie. Raul Kastra ŭznačalvaŭ kampartyju z 2011 da 2021 hoda. Pierad hetym Kubaj kiravaŭ Fidel Kastra.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali9
Kamientary
Po soobŝienijam ŚMI i pravozaŝitnych orhanizacij (naprimier, Russian America for Democracy in Russia), dieportirovannych rośsijan po priletie v aeroportu Domodiedovo vstriečajut sotrudniki FSB dla doprosov («filtracii»). Mužčinam prizyvnoho vozrasta často srazu vručajut poviestki v vojenkomat