U Barysavie pastavili darožny znak, jaki źbiantežyŭ kiroŭcaŭ
U barysaŭskim mikrarajonie Piečy pastavili znak «niebiaśpiečny pavarot», ale pieraviernuty — vostrym kancom uniz, piša «Minskaja praŭda». U vyniku atrymałasia niešta, čaho niama ŭ PDR.
Fota: «Minskaja praŭda»
Na słupie ŭsio vyhladaje zvyčajna: papieradžalny trochkutnik i znak abmiežavańnia chutkaści da 40 km/h. Ale z-za taho, što znak ustalavany dahary nahami, stanovicca niezrazumieła, što mienavita jon abaznačaje. Heta vyklikała šmat žartaŭ i ździŭleńnia siarod miascovych žycharoŭ — niechta navat padumaŭ, što heta novyja praviły abo niejki ekśpierymient.
Paźniej vyśvietliłasia, što nijakaj navinki tut niama. U DAI patłumačyli, što znak prosta pastavili z parušeńniem techničnych patrabavańniaŭ — inakš kažučy, zrabili heta niapravilna. U najbližejšy čas abiacajuć usio vypravić.
Tak vyhladajuć pravilnyja znaki
Zvyčajna taki znak papiaredžvaje pra niebiaśpiečny pavarot naprava ci naleva i patrabuje zahadzia źnizić chutkaść, bo daroha moža być z abmiežavanaj bačnaściu abo rezkim zakruhleńniem.
Čytajcie taksama:
Usio bolš rasijan zadumvajucca ab pierajeździe ŭ Biełaruś
U Hrodnie studentaŭ-zamiežnikaŭ adličyli i vysłali z krainy za parušeńni PDR
Ad 45 da 9000 rubloŭ: jak vyraśli štrafy za parušeńnie PDR
Darožnyja štrafy buduć śpisvać z kartki aŭtamatyčna. Ale nie va ŭsich vypadkach