Darožnyja štrafy buduć śpisvać z kartki aŭtamatyčna. Ale nie va ŭsich vypadkach
Aktualna dla tych, chto nie choča płacić voś užo dva miesiacy, choć maje nie nadta vialiki štraf.
Z 1 studzienia 2026 hoda ŭ Biełarusi ŭvajšoŭ u dziejańnie zakon, jaki ŭvodzić sproščany paradak vykanaŭčaha spravavodstva, nahadvaje Onliner.by. Ciapier zapazyčanaść u štrafach, u tym liku za parušeńni PDR, zafiksavanyja kamierami, mohuć śpisać z bankaŭskaha rachunku aŭtamatyčna.
Praŭda, taki paradak dziejničaje nie dla ŭsich.
Jość dźvie ŭmovy: suma doŭhu nie pavinna pieravyšać 20 bazavych adzinak — heta 900 rubloŭ z 1 studzienia 2026 hoda, a ŭ zavinavačanaha nie pavinna być inšych spahnańniaŭ hrošaj.
Pry hetym čałavieku dajuć čas raspłacicca — na praciahu dvuch miesiacaŭ zavinavačanaść možna vypłacić dobraachvotna: u pieršy miesiac — apłacić minimum 30% sumy, u druhi — zakryć zapazyčanaść całkam. Kali hetaha nie zrabić, mahčymy aryšt majomaści abo časovaje abmiežavańnie prava kiravańnia aŭtamabilem.
Za praterminoŭku taksama praduhledžany prymusovy zbor — 10% ad sumy doŭhu, ale nie mienš za 0,5 bazavaj adzinki (22,5 rubla).
Važna ŭličvać, što sudovy vykanaŭca maje prava spahaniać hrošy nie tolki z bankaŭskich rachunkaŭ, ale i z układaŭ, depazitaŭ u niabankaŭskich finansavych arhanizacyjach, a taksama z elektronnych kašalkoŭ.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary