Prezident Irana paćvierdziŭ hibiel ministra raźviedki
Pavodle zajavy prezidenta Irana Masuda Piezieškijana, ministr raźviedki krainy Ismaił Chacib sapraŭdy zabity. Raniej pra heta paviedamili ŭ kiraŭnictvie armii Izraila.
Ismaił Chacib
«Podłaje zabojstva maich darahich kaleh Ismaiła Chaciba, Ali Łarydžani i Aziza Nasirzade razam ź niekatorymi členami ich siemjaŭ i supravadžajučymi pahruziła nas u žałobu. Vykazvaju spačuvańni vialikamu narodu Irana ŭ suviazi z pakutnickaj hibiellu dvuch členaŭ kabinieta, sakratara Vyšejšaj rady nacyjanalnaj biaśpieki, vajskovych kamandziraŭ i bajcoŭ «Basidž». Ja ŭpeŭnieny, što ich šlach budzie praciahnuty ź jašče bolšaj ćviordaściu», — napisaŭ Piezieškijan u sacsietcy X.
Ismaił Chacib zajmaŭ pasadu ministra raźviedki z 2021 hoda i kiravaŭ hałoŭnaj raźviedvalnaj strukturaj krainy. Raniej jon taksama pracavaŭ u siłavych orhanach i, pavodle paviedamleńniaŭ, udzielničaŭ u padaŭleńni pratestaŭ u Iranie.
Ali Łarydžani, taksama zhadany Piezieškijanam — sakratar Vyšejšaj rady nacyjanalnaj biaśpieki Irana, pra hibiel jakoha paviedamlałasia ŭčora. Ministr abarony Irana Aziz Nasirzade zahinuŭ jašče ŭ samy pieršy dzień pačatku vajny, 28 lutaha.
Čytajcie taksama:
Iran nanios udary pa Izraili, abviaściŭšy ich pomstaj za zabojstva Ali Łarydžani
Iranskija ŚMI apublikavali zapisku ad Ali Łarydžani
U Izraili zajavili pra namier zabivać luboha iranskaha vysokapastaŭlenaha dziejača