U siecivie ludziej łoviać na rozyhryš nibyta ad imia «Jeŭraopta»
U internecie machlary raspaŭsiudžvajuć falšyvy «rozyhryš», jaki nibyta pravodzić kampanija «Jeŭraopt». Karystalnikam prapanujuć adkazać na niekalki pytańniaŭ i vybrać «padarunkavuju» skrynku. Paśla hetaha im paviedamlajuć, što jany vyjhrali 1000 rubloŭ.
Kab atrymać «pryz», ludziam prapanujuć razasłać spasyłku inšym ludziam i supołkam. Pry hetym sam sajt pracuje z pamyłkami i adpraŭku možna lohka imitavać, što śviedčyć pra machlarskuju schiemu.
Samy niebiaśpiečny etap — kali karystalniku prapanujuć uvieści sms-kod i spampavać fajł. Śpiecyjalisty papiaredžvajuć, što hetaha ni ŭ jakim vypadku nielha rabić, bo tak možna stracić svaje asabistyja danyja.
Taksama padkreślivajecca, što «Jeŭraopt» nie pravodzić padobnych akcyj. Ekśpierty rajać źviartać uvahu na adrasy sajtaŭ (aficyjnyja pavinny być u zonie.by) i nie pierachodzić pa padazronych spasyłkach.
Čytajcie taksama:
Minskaja piensijanierka zapłaciła vykup za «arabskaha miljaniera». Jon raźvioŭ jaje dvojčy
U Maskvie machlary pierakanali 20‑hadovuju dziaŭčynu pajści zabić žančynu
86‑hadovy mužčyna zabraŭ 250 tysiač rubloŭ u padmanutaj machlarami minčanki