Minskaja piensijanierka zapłaciła vykup za «arabskaha miljaniera». Jon raźvioŭ jaje dvojčy
74‑hadovaja žycharka Pieršamajskaha rajona stalicy stała achviaraj šmatsieryjnaha machlarstva, pavieryŭšy ŭ kachańnie i vykradańnie zamiežnaha bahacieja. Historyja pačałasia piać miesiacaŭ tamu, kali «miljanier z Emirataŭ» paabiacaŭ žančynie kaštoŭnuju pasyłku.
Raniej 74‑hadovaja piensijanierka ŭžo źviartałasia ŭ Pieršamajskaje RUUS Minska. Virtualny miljanier z Abjadnanych Arabskich Emirataŭ nibyta dasłaŭ pasyłku z padarunkam, kab jaho atrymać — žančyna zapłaciła 7000 rubloŭ za dastaŭku.
Paśla hetaha ź joj pierastali vychodzić na suviaź. Tady žančyna pajšła ŭ milicyju.
Praź piać miesiacaŭ mužčyna napisaŭ znoŭ.
Jon raspavioŭ, što pryjechaŭ u Biełaruś i asabista raźbiarecca, čamu padarunak nie byŭ dastaŭleny, a vydatkavanyja hrošy viernie. Adnak nieŭzabavie suviaź ź im znoŭ pierarvałasia.
Paźniej ź minčankaj źviazalisia nieviadomyja, jakija paviedamili, što jaje znajomaha vykrali, i zapatrabavali vykup — 5000 rubloŭ. Spužaŭšysia za los kachanaha, piensijanierka pieraviała hrošy na ŭkazany rachunak.
Tolki praź niekalki dzion minčanka ŭśviadomiła, što znoŭ stała achviaraj machlarskaj schiemy, i paŭtorna źviarnułasia ŭ milicyju.
Zaviedziena kryminalnaja sprava.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia7
Kamientary
[Zredahavana]