Łukašenka prakamientavaŭ vyzvaleńnie palitviaźniaŭ i los 235, što zastajucca ŭ krainie
Učora byli pamiłavanyja 250 palitviaźniaŭ. 15 ź ich vyvieźli za miažu, 235 dazvolili zastacca ŭ Biełarusi. Siońnia Alaksandr Łukašenka prakamientavaŭ hetyja vyzvaleńni.
Skrynšot videa
Žurnalisty dziaržSMI, piša BiełTA, spytali, «ci nie stanuć hetyja ludzi ahientami ŭpłyvu, pieratvaryŭšysia ŭ budučyni ŭ pahrozu dziaržavie».
«Vy nie pieražyvajcie, što my ich vypuścili. Usio tut pad kantrolem. 2020 hoda, mužyki, u Biełarusi nie budzie. Ja nie chaču biehać z aŭtamatam pa vulicy. Ja hetaha nie dapušču, i ŭsie na heta naceleny,
— zajaviŭ Łukašenka. — My razumiejem, što chacieli razburyć i pieraviarnuć krainu. Heta byŭ udar nie tolki pa nas, ale i pa našych dzieciach, unukach. Ja heta dapuścić mahu? Nie!»
Jon dadaŭ, što z 235 čałaviek, jakija paśla vyzvaleńnia zastalisia na terytoryi Biełarusi, kala 30 abo 40 čałaviek nibyta mohuć «ujaŭlać pahrozu». Usie vyzvalenyja znachodziacca na kantroli milicyi.
«My ich viedajem. Pierš čym vypuskać, jany ŭsie byli ŭziaty na kantrol śpiecsłužbami i milicyjaj», — skazaŭ Alaksandr Łukašenka.