MAZ pačaŭ rabić dla Rasii braniavanyja mašyny chutkaj dapamohi

U rasijskaj Biełharadskaj vobłaści pačali vykarystoŭvać braniavanyja mašyny chutkaj dapamohi. Hubiernatar rehijona Viačasłaŭ Hładkoŭ pieradaŭ dva takija aŭtamabili ŭładam pamiežnaha Hrajvaronskaha rajona, i heta pieršyja takija mašyny ŭ vobłaści, piša «Kommiersant».

Fota: telehram-kanał hubiernatara Biełharadskaj vobłaści

Pra vytvorcu aŭtamabilaŭ niepasredna ŭ artykule nie paviedamlajecca, ale na apublikavanych fota vidać, što na ich emblema biełaruskaha Minskaha aŭtamabilnaha zavoda.

Paviedamlajecca, što hetyja aŭtamabili abstalavanyja dadatkovaj abaronaj ad dronaŭ — śpiecyjalnymi kanstrukcyjami, a miedycynskija bryhady, jakija na ich pracujuć, atrymali kaski i broniekamizelki.

Fota: telehram-kanał hubiernatara Biełharadskaj vobłaści

Raniej zvyčajnyja mašyny chutkaj dapamohi taksama pačali tut abstaloŭvać abaronaj ad dronaŭ. Akramia taho, u rehijonie razhladajuć mahčymaść vykarystańnia braniavanaha transpartu dla pieravozki ludziej u niebiaśpiečnych zonach i płanujuć dalejšaje ŭzmacnieńnie biaśpieki, u tym liku stvareńnie śpiecyjalnych «kalidoraŭ» dla abarony ad bieśpiłotnikaŭ uzdoŭž daroh.

Kamientary da artykuła