Z rasijskaj Buracii pajšli vajavać suprać Ukrainy baćka i syn. Abodva zahinuli

U rasijskim rehijonie Buracija adna siamja za karotki čas straciła adrazu dvuch svaich členaŭ. Baćka i syn dobraachvotna pajšli vajavać va Ukrainu, i abodva tam zahinuli, piša ŭkrainski prajekt «Chaču žyć».

Starejšy, 42‑hadovy Anatol Mylnikaŭ, byŭ ciažka paranieny ŭ kancy śniežnia 2025 hoda padčas bajavych dziejańniaŭ. Jaho dastavili ŭ špital, dzie daktary sprabavali vyratavać žyćcio, ale 13 sakavika mužčyna pamior ad atrymanych ranieńniaŭ.

Jahony syn, 22‑hadovy Rusłan Mylnikaŭ, zahinuŭ jašče raniej — 12 śniežnia ŭ Danieckaj vobłaści. Jon vajavaŭ bolš za hod. Baćka ž dałučyŭsia da vajny paźniej, padpisaŭšy kantrakt vosieńniu 2025 hoda.

Takim čynam, pamiž śmierciu syna i śmiarotnym ranieńniem baćki prajšło ŭsiaho niekalki tydniaŭ, i ŭsiaho za try miesiacy siamja straciła dvuch mužčyn. U Rusłana zastaŭsia maleńki syn, jakomu kala čatyroch hadoŭ.

Paviedamlajecca, što abodva pajšli na vajnu dobraachvotna. Paśla ich śmierci zvyčajna praduhledžvajucca dziaržaŭnyja vypłaty i simvaličnaje ŭšanavańnie pamiaci, naprykład, u navučalnych ustanovach.

Kamientary da artykuła