U Stoŭbcach źjaviŭsia art-abjekt pa matyvach Mikiełandžeła
Uładzimir Kanonik, mastak-skulptar z Fanipala, jaki pracuje ź mietałam, zrabiŭ dla pradpryjemstva «Stoŭbcyhazbud» simvaličnuju kampazicyju, jakaja adsyłaje da freski Mikiełandžeła «Stvareńnie Adama». U asnovie — truba, što «łunaje», i dźvie ruki, jakija ciahnucca adna da adnoj. «Pavietrany» art-abjekt važyć bolš za tonu, paviedamlaje «Minskaja praŭda».
Fota: «Minskaja praŭda»
«Hety manumient uvasablaje niabačnuju, ale žyćciova važnuju nitku, jakuju my praciahvajem u damy ludziej, prynosiačy ciapło i ŭtulnaść, — raskazvaje dyrektar TAA «Stoŭbcyhazbud» Jaŭhien Bardzijan. — Dla pradpryjemstva heta nie prosta art-abjekt, a danina pavahi rukam majstroŭ i napamin pra toje, što enierhija stvareńnia — hałoŭnaja ruchalnaja siła našaha horada, rajona i krainy».
Hetaja instalacyja ad Uładzimira Kanonika stała ŭ Stoŭbcach užo treciaj. Pieršaja jaho rabota, — kapitan Urunhiel na zapraŭcy pry ŭjeździe ŭ Stoŭbcy — užo nie pieršy hod sustrakaje i pravodzić haściej horada. Taksama jon pastaviŭ altanku ŭ dvary taho ž pradpryjemstva «Stoŭbcyhazbud».
Čytajcie taksama:
Histaryčnuju kaplicu adnaŭlajuć u Stoŭbcach. Jakoj jana budzie, «zaležyć ad finansavańnia»
U Stoŭbcach pastavili pomnik tanku 1973 hoda dla ŭšanavańnia «podźvihu Vialikaj Ajčynnaj»