Cichanu Osipavu, jakoha asudzili za najezd na vajskoŭcaŭ na pratestach na 11 hadoŭ, dadali jašče paŭtara hoda kałonii
Heta treci sud nad palitviaźniem.
Palitviaźniu Cichanu Osipavu, 30‑hadovamu inžynieru BNTU, dadali jašče paŭtara hoda źniavoleńnia, paviedamlaje «Viasna».
U siaredzinie sakavika ŭ sudzie Mazyrskaha rajona adbyŭsia ŭžo treci sud nad palitviaźniem Cichanam Osipavym. Jaho pryznali vinavatym pavodle č. 2 art. 411 Kryminalnaha kodeksa i dadali jamu jašče paŭtara hoda kałonii ŭ dadatak da 11 hadoŭ i siami miesiacaŭ źniavoleńnia.
U 2022 hodzie jaho ŭžo sudzili pavodle hetaha ž artykuła. Da sudu palitviaźnia na paŭhoda źmiaścili ŭ PKT (pamiaškańnie kamiernaha typu), a da hetaha jon niekalki miesiacaŭ pravioŭ u ŠIZA.
Cichana Osipava ŭ traŭni 2021 hoda asudzili na 11 hadoŭ kałonii ŭzmocnienaha režymu za najezd na piać vajskoŭcaŭ padčas pratestaŭ u žniŭni 2020 hoda, udzieł u masavych biesparadkach, a taksama za iłžyvy danos (paśla DTZ chłopiec zajechaŭ na mašynie ŭ vadajom, pakinuŭ jaje tam i zajaviŭ ab zhonie). Pad vartaj Cichan utrymlivajecca z 14 žniŭnia 2020 hoda.