U Minsku ŭviali maksimalny košt prajezdu ŭ maršrutkach
U stalicy pačnuć dziejničać hraničnyja taryfy na pasłuhi maršrutnych taksi z 27 sakavika.
Jak paviedamili ŭ Minharvykankamie, ciapier maksimalnaja cana adnoj pajezdki pa horadzie nie moža pieravyšać 3 rubli 30 kapiejek. Heta tyčycca ŭsich pieravozčykaŭ.
Asobnaje rašeńnie pryniata dla pryharadnaha kirunku Minsk — Zasłaŭje: tut maksimalna dapuščalny košt kvitka składzie 5 rubloŭ.
Uviadzieńnie stoli cen na maršrutki adbyvajecca na fonie ahulnaha padaražeńnia hramadskaha transpartu. Pavodle novych taryfaŭ pajezdka ŭ naziemnym transparcie (aŭtobus, tralejbus, tramvaj) budzie kaštavać 1,10 rubla, u mietro — 1,15 rubla, a košt adzinaha prajaznoha na miesiac składzie 65,84 rubla.