Ministr adkazaŭ na čutki pra skaračeńnie dekretnaha adpačynku ŭ Biełarusi
Z 1 sakavika pa daručeńni Alaksandra Łukašenki ŭ kožnym rajonie Biełarusi adkryli jak minimum adnu jasielnuju hrupu. Paśla hetaha ŭ hramadstvie pačalisia aściarohi, što nastupnym krokam budzie skaračeńnie dekretnaha adpačynku.
Fota «Homielskaj praŭdy».
Ministr adukacyi Andrej Ivaniec, vystupajučy ŭ Fanipali, zajaviŭ, što takija čutki biespadstaŭnyja. A stvareńnie novych jasielnych hrup čynoŭnik patłumačyŭ kłopatam pra žančyn.
«My razumiejem: mamy pavinny mieć mahčymaść nie tolki vyjści na pracu, chacia heta taksama važna, ale taksama vyłučyć čas na siabie», — cytuje ministra vydańnie fanipol.by.
Pa słovach Ivanca, novyja hrupy ŭ sadkach stvarajucca mienavita jak dadatkovaja opcyja, kab u baćkoŭ było bolš času na pracu i adpačynak.