SK znoŭ pałochaje biełarusaŭ za miažoj udziełam u Dni Voli
Śledčy kamitet znoŭ pahražaje biełarusam za miažoj kryminalnymi spravami i kanfiskacyjaj majomaści z-za ŭdziełu ŭ mierapryjemstvach da Dnia Voli (25 sakavika). Adpaviednuju zajavu apublikavaŭ aficyjny telehram-kanał viedamstva.
Dzień Voli ŭ Vilni ŭ 2025 hodzie. Fota: Yauhen Yerchak SOPA Images LightRocket via Getty Images
Pavodle viersii SK, śviatkavańnie Dnia Voli spryjaje «farmavańniu niehatyŭnaha infarmacyjnaha fonu vakoł Respubliki Biełaruś».
Viedamstva pahražaje identyfikavać udzielnikaŭ, niahledziačy na «akulary, maski, kiepki».
U 2025 hodzie siłaviki zajavili pra identyfikacyju 207 udzielnikaŭ. Byli zaviedzieny zavočnyja kryminalnyja spravy pavodle artykuła ab pryčynieńni škody nacyjanalnaj biaśpiecy Biełarusi (častka 2 artykuła 361‑4 KK).