U minułym hodzie emihranty pieraviali ŭ Biełaruś amal 160 miljonaŭ dalaraŭ
U 2025 hodzie biełarusy atrymali z-za miažy 291 tysiaču hrašovych pieravodaŭ na ahulnuju sumu 159,5 miljonaŭ dalaraŭ u ekvivalencie. Pavodle danych Nacbanka, heta na 11% bolš, čym u 2024 hodzie, choć kolkaść pieravodaŭ skaraciłasia na 2%.
Zdymak ilustracyjny. Fota: «Naša Niva»
Siaredniaja suma adnaho pieravodu vyrasła na 14% i skłała 548 dalaraŭ. Asnoŭnuju častku srodkaŭ adpraŭlali ŭ Biełaruś u dalarach: na hetuju valutu prypała try čverci ahulnaha abjomu. Jašče 13% pieravodaŭ pastupili ŭ biełaruskich rublach, 11% — u rasijskich rublach i 2% — u jeŭra.
Adnačasova vyrasła i suma pieravodaŭ ź Biełarusi za miažu. Za minuły hod biełarusy adpravili amal 105,9 miljona dalaraŭ, što ažno na 40% bolš, čym hodam raniej. Usiaho było ździejśniena 157 tysiač takich pieraličeńniaŭ, abo na 12% bolš, čym u 2024-m. Siaredniaja suma adnaho pieravodu skłała 674 dalary.
Čytajcie taksama:
Nafta daražeje, ale rasijski rubiel i ŭśled za im biełaruski — tańniejuć. Voś čamu tak adbyvajecca
Hałoŭčanka zahavaryŭ pra pierśpiektyŭnaść valuty BRIKS
Biełarusy stali čaściej brać kredyty na pakupki, a nie na žyllo