Padaraželi paštovyja pasłuhi
«Biełpošta» z dazvołu MARH abnaviła ceny na adpraŭku listoŭ i banderolaŭ u miežach krainy, i novyja rascenki ŭžo pačali dziejničać.
Zdymak ilustracyjny. Fota: lookby.media
Ciapier z 22 sakavika adpraŭka zvyčajnaha lista abo paštoŭki vahoj da 20 hramaŭ dla fizičnych asob kaštuje 1 rubiel 4 kapiejki — heta na 18 kapiejek bolš, čym raniej. Za kožnyja nastupnyja 20 hramaŭ treba dapłačvać jašče 8 kapiejek.
Dla jurydyčnych asob i indyvidualnych pradprymalnikaŭ taksama padniali ceny: adpraŭka lista da 20 hramaŭ ciapier kaštuje 87 kapiejek, što na 15 kapiejek bolš za papiaredni taryf.
Raniej stała viadoma, što z 27 sakavika ŭ Minsku vyraście košt prajezdu ŭ hramadskim transparcie, a taksama ŭstanoŭlenyja maksimalnyja ceny na pajezdki ŭ maršrutkach. Śledam za Minskam daražeje prajezd na hramadskim transparcie i ŭ rehijonach.
Čytajcie taksama:
«Biełsajuzdruk» dałučajuć da «Biełpošty»
Sioleta ŭ konkursie na najlepšuju paštovuju marku hoda ŭpieršyniu za 4 hady pieramahli nie siłaviki
«Biełpošta» vypuskaje marki z pamieranskim špicam i inšymi hadavancami