Stalinistu z Bresta zabaranili zhadvać Łukašenku na ekskursijach
«Škada. Heta była razynačka apoviedu».
Piotr Picko. Fota: telehram-kanał Picko
Piotr Picko — były kiraŭnik moładzievaha patryjatyčnaha centra na terytoryi Bresckaj krepaści. Jon prychilnik «ruskaha śvietu» i adzin z paplečnikaŭ danosčycy Volhi Bondaravaj.
Ciapier Picko vodzić ekskursii ŭ Breście.
U svaim telehram-kanale jon raskazaŭ, što padčas atestacyi hidaŭ sutyknuŭsia ź niečakanaj situacyjaj.
«Na apošniaj atestacyi hidaŭ upaŭnavažanyja asoby raptam pačali emacyjna pratestavać suprać zhadki asobnych histaryčnych dziejačaŭ. Niepažadanaj fihuraj ekskursijnych prahram akazaŭsia… A.R. Łukašenka.
Škada. Heta była razynačka apoviedu ŭ skviery Pamiežnikaŭ. Pakolki Alaksandra Ryhoraviča viedajuć usie, ahučvańnie faktu ab tym, što jon prachodziŭ słužbu ŭ pahranvojskach na bresckaj ziamli, zaŭsiody vyklikała cikavaść u słuchača», — napisaŭ Picko.
«Spadziajusia ekskursavodaŭ u budučyni buduć choć by raz u 2‑3 hady źbirać i tłumačyć, pra što možna kazać, a pra što nie. Bo sam ja ŭžo znachodžusia ŭ razhublenaści», — dadaŭ jon.
Letaś, darečy, da Picko prychodzili z vobšukam siłaviki.
Čytajcie taksama:
Łukašystaŭ zaniepakoiła źniščeńnie spadčyny. Ale jość niuans