U Minsku pašyrać i padoŭžać niekalki vulic
U stalicy ŭžo pačałasia realizacyja šerahu abjektaŭ, źviazanych z transpartnym zabieśpiačeńniem mikrarajona «Paŭnočny Bierah». Tut zapłanavanaja kompleksnaja rekanstrukcyja Daŭhinaŭskaha trakta na ŭčastku ad zavułka Čarviakova da Pałaca dziaciej i moładzi. Pra heta paviedamiŭ dyrektar pradpryjemstva «Hardarbud» Siarhiej Panioŭ, piša BiełTA.
Zdymak ilustracyjny. Fota: Wikimedia Commons
«Hety ŭčastak budzie realizoŭvacca ŭ šeść etapaŭ i budzie źviazany z kompleksam budaŭničych rabot, jaki ŭličvaje vietku mietro, što budujecca, i raźmiaščeńnie budučaj stancyi pa vulicy Arłoŭskaj. My budziem pracavać na ŭčastku ad Pałaca moładzi da vulicy Arłoŭskaj, a zatym ad vulicy Arłoŭskaj da Daŭhinaŭskaha traktu», — adznačyŭ Siarhiej Panioŭ.
U kompleksie źmien — znos niekatorych abjektaŭ, dadańnie levaha pavarotnaha źjezdu i ŭzmacnieńnie śvietłafornaha rehulavańnia.
Ciapier raspracoŭvajecca prajektnaja dakumientacyja na praciah vulicy Navavilenskaj da MKAD.
«Heta budzie budaŭnictva paŭnavartasnaj vulicy z šaściu pałosami ruchu i transpartnaj raźviazkaj na ŭčastku Minskaj kalcavoj darohi pobač z zapraŭkaj», — dadaŭ Siarhiej Panioŭ.
Budaŭniki Tresta №15 užo pracujuć na ŭčastku ad Pałaca moładzi da vulicy Arłoŭskaj. U najbližejšy čas pačniecca pierabudova skryžavańnia na zavułku Čarviakova.
«Heta nievialiki ŭčastak, ale my płanujem pravieści poŭnuju rekanstrukcyju ŭsiaho skryžavańnia, što ŭ dalejšym dazvolić pierajści da realizacyi astatniaha ŭčastka», — kaža Siarhiej Panioŭ.
Akramia taho, jašče adzin abjekt — rekanstrukcyja vulicy Karastajanavaj na ŭčastku ad vulicy Niakrasava da vulicy Arłoŭskaj. Tut budaŭniki taksama pačali raboty.
Čytajcie taksama:
Minčanie skardziacca na smoh u horadzie
U Miadźviedžynie tatalna vysiakajuć les. Aficyjnaja viersija — ratujuć ad karajeda
U «Minsk Śviecie» vajujuć z-za parkovak
Jak ciapier vyhladaje rynak «Ždanovičy», dzie idzie vialikaja budoŭla FOTY