Va Ukrainie mužčyna pasłaŭ svajoj siamji śmiertanosnuju pasyłku z vybuchoŭkaj
Incydent adbyŭsia ŭviečary 20 sakavika ŭ horadzie Pieršamajsku Mikałajeŭskaj vobłaści. Palicyja zatrymała mužčynu, jakoha padazrajuć u naŭmysnym zabojstvie žonki i ranieńni dvuch dziaciej.
Pavodle infarmacyi śledstva, mužčyna, budučy vajskoŭcam, dasłaŭ dadomu pasyłku, u jakoj razam z praduktami znachodziłasia samarobnaja vybuchovaja pryłada. Skrynku jon staranna zapakavaŭ i abmataŭ skotčam.
Kali adbyŭsia vybuch, 25‑hadovaja žančyna zahinuła na miescy. Paŭtarahadovaja dačka i 6‑hadovy syn atrymali šmatlikija ranieńni tvaru i cieła, ale ich žyćciu ničoha nie pahražaje — jany pad nahladam miedykaŭ.
Padčas ahladu kvatery pravaachoŭniki znajšli jašče vialikuju kolkaść niebiaśpiečnych pradmietaŭ: hranaty, traciłavyja šaški, detanatary i bojeprypasy.
Mužčynu ciapier pahražaje da 15 hadoŭ źniavoleńnia abo pažyćciovaje pakarańnie.
Čytajcie taksama:
U akupavanym Sievastopali vybuchnuŭ šmatkvaterny dom. U im zachoŭvali vybuchovyja rečyvy
Svajački zahinułych rasijskich vajskoŭcaŭ usio čaściej skardziacca na niavypłatu kampiensacyj
Z rasijskaj Buracii pajšli vajavać suprać Ukrainy baćka i syn. Abodva zahinuli