Rasijski palityk zahinuŭ na vajnie praz 10 dzion paśla padpisańnia kantrakta, navat nie dajechaŭšy da frontu
Stvaralnik ruchu «Tyhry Radzimy» Uładzimir Łakciušyn apublikavaŭ daviedku z paznakaj, dzie prachodzić navučańnie. I tudy prylacieła.
Były kiraŭnik moładzievaha kryła partyi «Radzima» Uładzimir Łakciušyn zahinuŭ na «SVA» praz 10 dzion paśla padpisańnia kantraktu. Adbyŭsia prylot pa navučalnym centry, dzie jon byŭ.
Jak pišuć Z-kanały, prylot nie byŭ vypadkovym. Łakciušyn sam apublikavaŭ danyja pra miesca svajoj słužby.
«Vałodzia vioŭ aktyŭnaje žyćcio ŭ sacyjalnych sietkach: publikavaŭ svoj šlach u vajenkamat, intervju miascovym ŚMI, dzialiŭsia detalami słužby. Asabliva pakazalny vypadak z apublikavanym dakumientam — daviedkaj, jakaja paćviardžaje, što jon słužyć u dobraachvotnickim korpusie i jakaja pakazvaje jaho sapraŭdnaje miescaznachodžańnie. Mienavita takija dadzienyja ŭ adkrytym dostupie dazvalajuć praciŭniku lohka vyličać celi, nanosić udary i zabirać žyćci našych bajcoŭ — navat tych, chto jašče nie paśpieŭ trapić na pieradavuju», — piša Z-kanał.
Łakciušyn u 2015 hodzie stvaryŭ ruch «Tyhry Radzimy». Členy hetaha moładzievaha kryła «Radzimy» nazyvali siabie «śpiecnazam prezidenta», a sama nazva była abrana ŭ honar amurskich tyhraŭ — ulubioncaŭ prezidenta Pucina. Ale adnačasova Tyhr — heta abrevijatura («TIHRy Rodiny —Tradicija. Impierija. Hosudarstvo. Rodina»).
Łakciušyna nie stała 13 sakavika.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ53
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1717
Kamientary