Mahčymy mokry śnieh. Sinoptyki prahnazujuć abvał tempieratury na 12—15 hradusaŭ
Pavodle źviestak śpiecyjalistaŭ, ciopłaje nadvorje, jakoje doŭhi čas utrymlivałasia ŭ Biełarusi zdaje svaje pazicyi. Na źmienu idzie surjoznaje pachaładańnie. Tempieraturny fon u krainie abryniecca adrazu na 12—15 hradusaŭ, piša kanał nadvorie.
U noč z 1 na 2 krasavika sa Skandynavii pavinien prylacieć cykłon, centr jakoha apiša piatlu nad terytoryjaj Biełarusi, a potym sydzie na poŭnač Rasii. «U zonie cykłona pry tempieratury pavietra ad -1 da +3°C buduć apadki ŭ vyhladzie śniehu i mokraha śniehu», — havorycca ŭ prahnozie.
Mižnarodny centr prahnozaŭ ECMWF paćviardžaje niepryjemnyja naviny: uvieś pieršy tydzień krasavika abiacaje być chałodnym, časta z apadkami ŭ źmiešanaj fazie — doždž sa śnieham.
Miarkujecca, što ciapło vierniecca ŭ Biełaruś aryjencirovačna tolki ŭ niadzielu, 5 krasavika, ale sinoptyki papiaredžvajuć: heta jašče nie fakt.