«Sapraŭdny siabra i bajec». Tramp padtrymaŭ Orbana pierad vybarami ŭ Vienhryi
«Viktar Orban nikoli nie padviadzie vialiki narod Vienhryi», —napisaŭ prezident ZŠA.
Fota: Krisztian Bocsi/Bloomberg via Getty Images
Prezident ZŠA Donald Tramp publična zajaviŭ, što padtrymlivaje pieraabrańnie Viktara Orbana na pasadu premjer-ministra Vienhryi.«Jon sapraŭdny siabar, bajec i pieramožca <…> Viktar Orban nikoli nie padviadzie vialiki narod Vienhryi. Ja zaŭsiody ź im», — napisaŭ Tramp u svajoj sacyjalnaj sietcy Truth.
Prezident ZŠA padkreśliŭ, što «poŭnaściu padtrymlivaje» pieraabrańnie Orbana na pasadu premjer-ministra. Da dopisu jon dadaŭ svaju fatahrafiju z Orbanam, zroblenuju ŭ Biełym domie.
Parłamienckija vybary ŭ Vienhryi pryznačany na 12 krasavika. Partyja Orbana «Fides», pavodle apytańniaŭ hramadskaj dumki, sastupaje pa papularnaści apazicyjnaj partyi «Cisa» pad kiraŭnictvam Pietera Madźjara.
Financial Times i The Washington Post raniej pisali, što Rasija aktyŭna sprabuje dapamahčy partyi Viktara Orbana pieramahčy na vybarach.