Pad Hrodnam pradajuć płantacyju bujakoŭ razam ź fiermierskaj haspadarkaj
Abjekt znachodzicca kala vioski Viarchpolle Hrodzienskaha rajona. Heta ŭžo dziejny biznes: na płantacyi jość płodanosnyja kusty i ŭsia nieabchodnaja infrastruktura, tamu novy ŭładalnik zmoža atrymlivać prybytak amal adrazu, biez čakańnia niekalkich hadoŭ, jak pry zakładcy novaj płantacyi, piša Blizko.by.
Ahulnaja płošča — kala 42 hiektaraŭ. Tam rastuć prykładna 40 tysiač kustoŭ bujakoŭ i jašče 10 tysiač sadžancaŭ. Pry hetym jość mahčymaść značna pašyryć vytvorčaść — vysadzić jašče da 40 tysiač kustoŭ.
Usio abstalavana dla pracy: jość kropielnaje arašeńnie (z troch śvidravin), chaładzilnaja kamiera i dva traktary.
Pradajuć haspadarku pa asabistych pryčynach. Košt — kala 664 tysiač rubloŭ. Aŭtar abjavy ličyć, što heta vyhadnaja prapanova dla hatovaha ahrabiznesu.