Biełarusa ź Pieciarburha, jaki stvaraŭ sajty, asudzili za «sadziejničańnie ekstremizmu»
Anton Zotaŭ doŭhi čas žyŭ u Rasii i zajmaŭsia rekłamaj u internecie.
Anton Zotaŭ. Fota z sajta pa pošuku pracy (fon pašyrany niejrasietkaj)
Antonu Zotavu 26 hadoŭ, jon naradziŭsia ŭ ahraharadku Słabada pad Minskam. Apošnija niekalki hadoŭ žyŭ u Sankt-Pieciarburhu.
U 2020 hodzie chłopiec pracavaŭ u McDonald's, a padčas pandemii padpracoŭvaŭ zborščykam mebli.
Paźniej Anton syšoŭ u fryłans: pačaŭ zajmacca stvareńniem i prasoŭvańniem internet-sajtaŭ, naładžvańniem tarhietavanaj rekłamy i prodažam hatovych internet-kram. Zotaŭ cikaviŭsia biznesam i byŭ udzielnikam šmatlikich čataŭ dla pradprymalnikaŭ.
Niadaŭna chłopca asudzili ŭ Minskim abłasnym sudzie. Jamu vystavili abvinavačvańnie pavodle častak 1 i 2 artykuła 361‑4 Kryminalnaha kodeksa (sadziejničańnie ekstremisckaj dziejnaści).
Jamu prysudzili «chatniuju chimiju», ale dakładny termin nieviadomy.