Dalnabojščyka ź Lidy, jaki viarnuŭsia ź Jeŭrasajuza, kinuli za kraty pa troch kryminalnych artykułach
Dźmitryj Viałaŭ ź Lidy pracavaŭ kiroŭcam, cikaviŭsia aŭtamabilami i maryŭ pra žoŭty UAZ. Ale niadaŭna jaho asudzili za palityku i kinuli za kraty.
Dźmitryju Viałavu 45 hadoŭ. Jon rodam ź Lidy, tam ža skončyŭ škołu i prafiesijna-techničnaje vučylišča. Paśla słužby ŭ armii mužčyna zavočna advučyŭsia ŭ Biełaruskim dziaržaŭnym univiersitecie transpartu. Da padziej 2020‑ha jon pracavaŭ u Lidskim łakamatyŭnym depo.
U apošnija hady Dźmitryj byŭ dalnabojščykam u Jeŭrasajuzie. Mužčyna šmat pracavaŭ
Jon cikavicca mašynami, maryŭ adnavić staruju «Vołhu» i nabyć žoŭtuju «buchanku» dla efiektnych vandrovak ź siabrami.
Dźmitryja zatrymali ŭ minułym hodzie paśla adnaho z čarhovych rejsaŭ. Apošnija jahonyja paviedamleńni z vosieni 2025 hoda tyčacca pierasiačeńnia miažy.
Hrodzienski abłasny sud pryznaŭ mužčynu vinavatym pavodle niekalkich artykułaŭ Kryminalnaha kodeksa. Jaho asudzili za «paklop na Łukašenku» (č. 1 art. 367 KK), «raspalvańnie varožaści» (č. 1 art. 130 KK) i «sadziejničańnie ekstremisckaj dziejnaści» (art. 361‑4 KK)
Dźmitryju, chutčej za ŭsio, prysudzili kałoniju.
«Naša Niva» — bastyjon biełaruščyny
PADTRYMAĆ
Kamientary