Iran padrychtavaŭsia da bajoŭ z amierykanskim desantam za vostraŭ Chark

Na vostravie — naftavym chabie pabudavana šmatuzroŭnievaja abarona, a ŭ apošnija tydni Tehieran pierakinuŭ tudy dadatkovyja vojski.

Fota: Fatemeh Bahrami / Anadolu via Getty Images

Iran padrychtavaŭsia da patencyjnaha ŭvarvańnia ZŠA na vostraŭ Chark, praź jaki prachodzić 90% naftavaha ekspartu Isłamskaj Respubliki, paviedamili CNN znajomyja z dadzienymi amierykanskaj raźviedki krynicy.

Pa ich słovach, na vostravie pabudavana šmatuzroŭnievaja abarona, a ŭ apošnija tydni Tehieran pierakinuŭ tudy dadatkovyja vojski.

Taksama iranskija vajskoŭcy na Charku atrymali pieranosnyja zienitna-rakietnyja kompleksy i supraćpiachotnyja i supraćtankavyja miny, jakija jany ŭstaloŭvajucca ŭzdoŭž bierahavoj linii, kab pieraškodzić vysadcy amierykanskaha desantu.

Dla zachopu vyspy ZŠA daviadziecca zadziejničać vialikija desantnyja siły, adznačyła ŭ razmovie z CNN krynica, znajomaja z vajskovym płanavańniem. Jon dapuściŭ, što apieracyju mohuć pravieści dva ekśpiedycyjnyja padraździaleńni marskoj piachoty, jakija śpiecyjalizujucca na šturmach i vysadcy z desantnych karabloŭ.

Jany naličvajuć niekalki tysiač marskich piachotnikaŭ, jakija niadaŭna byli razhornutyja na Blizkim Uschodzie. Akramia taho, u bližejšyja dni ŭ rehijon prybudzie prykładna tysiača sałdat 82‑j pavietrana-desantnaj dyvizii armii ZŠA.

Kamientary da artykuła