Byłoha viadučaha «Biełsata» zatrymali ŭ Polščy za narkotyki

Chutčej za ŭsio, biełaruski žurnalist Michaił Pranovič zastajecca pad vartaj.

Fota: fejsbuk Pranoviča

Infarmacyja pra aryšt Michaiła Pranoviča spačatku ź‘iaviłasia ŭ biełaruskich prapahandysckich kanałach. U hetym jość łohika — kali ŭ hramadzianina Biełarusi prablemy z zakonam, to pra heta pavinny nieadkładna paviedamić pasolstvu jaho dziaržavy. Jak tłumačać jurysty, takaja praktyka zachoŭvajecca dahetul niahledziačy na sapsavanyja adnosiny pamiž Biełaruśsiu i Polščaj.

Siabry Pranoviča pryznajuć, što ŭ chłopca prablemy i što sprava źviazanaja z narkotykami, ale admaŭlajucca raskazvać padrabiaznaści.

Pranoviču 32 hady. Chłopiec vučyŭsia na fakultecie žurnalistyki BDU, supracoŭničaŭ z STB, a paśla adpraviŭsia skarać Maskvu. U Rasii jon pracavaŭ na kanałach «RIEN TV» i «Mir 24».

U 2020‑m Michaił pryjšoŭ na «Biełsat», dzie vioŭ efiry ŭ ruskamoŭnaj redakcyi kanała «Vot tak». Hod tamu Pranovič syšoŭ z «Biełsata» i z žurnalistyki.

Kamientary da artykuła