«Biełavija» padoŭžyła admienu rejsaŭ u Tel-Aviŭ da siaredziny krasavika

Avijakampanija «Biełavija» admianiła rejsy ź Minska ŭ Tel-Aviŭ da 16 krasavika ŭklučna, paviedamiła pres-słužba avijakampanii.

Zdymak ilustracyjny. Fota: lookby.media

Pryčynaj nazyvajecca toje, što izrailskija avijacyjnyja ŭłady padoŭžyli abmiežavańni na vykarystańnie pavietranaj prastory dla zamiežnych pieravozčykaŭ.

Pasažyry, jakija ŭziali kvitki, mohuć viarnuć za ich hrošy abo pieranieści vylet na inšuju datu.

Raniej kampanija ŭžo mianiała raskład palotaŭ u rehijon Blizkaha Uschodu praź niestabilnuju situacyju. Rejsy ŭ Tel-Aviŭ byli skasavanyja da kanca sakavika. 

Kamientary da artykuła